काठमाडौं । चितवनको भरतपुर महानगरपालिका–२५, शुक्रनगरमा एक हृदयविदारक घटना घटेको छ। ४२ वर्षीय लिलाराज गिरीले आफ्नी छोरी र दाजुको छोराको हत्या गरेका छन्।
गिरीले दाजु दया गिरीका अन्दाजी ६/७ वर्षका छोरा सजन गिरी र आफ्नी छोरी प्रभामाथि खुर्पा प्रहार गरेका थिए। गम्भीर घाइते भएका दुवैलाई उपचारका लागि चितवन मेडिकल कलेज लगिएको भए पनि उपचारकै क्रममा आज बिहान दुबैको मृत्यु भएको हो।
घटनापछि लिलाराजले आफ्नै घाँटी रेटेर आत्महत्याको प्रयास गरेका थिए। उनी अहिले गम्भीर अवस्थामा अस्पतालमा उपचाररत छन्।
घटनाको कारण अझै स्पष्ट हुन सकेको छैन। प्रहरीको प्रारम्भिक अनुसन्धान जारी रहेको जनाइएको छ।
प्रकाशित मिति: २ जेष्ठ २०८२, शुक्रबार
प्रतिक्रिया