काठमाडौं । गृह मन्त्रालयका सहसचिव तीर्थराज भट्टराईलाई प्रहरीले पक्राउ गरेको छ। उनी केही समयअघि मात्रै नियन्त्रणमा लिइएका हुन्।
हिजो बेलुकी मात्रै सरुवा भई गृह मन्त्रालय पुगेका भट्टराई त्यसअघि त्रिभुवन अन्तर्राष्ट्रिय विमानस्थलमा प्रमुख अध्यागमन अधिकृतका रूपमा कार्यरत थिए।
अख्तियार दुरुपयोग अनुसन्धान आयोगले विमानस्थलस्थित अध्यागमन कार्यालयमा केही समयअघि मात्र छापा मारेको थियो। सोही छानबिनको क्रममा भट्टराई पक्राउ परेको प्रारम्भिक जानकारी प्राप्त भएको छ।
घटनाबारे थप विवरण आउन बाँकी छ।
प्रकाशित मिति: ७ जेष्ठ २०८२, बुधबार
प्रतिक्रिया