पोखरा । प्रधानमन्त्री केपी शर्मा ओलीले आफूहरु भ्रष्टाचारविरुद्ध कसैको अनुहार नहेरी शून्य सहनशीलताका साथ काम गरिरहेको दाबी गरेका छन्।
राष्ट्रिय युवा सङ्घ नेपालको १०औँ राष्ट्रिय महाधिवेशनको उद्घाटन कार्यक्रममा बोल्दै प्रधानमन्त्री ओलीले राजनीतिको अनुभव र समझ नपाएका व्यक्तिहरूले नेतृत्व सम्हाल्दा देशमा अस्थिरता आएको जिकिर गरे। त्यसैले स्थायित्व र सुशासनका लागि एमाले र कांग्रेसबीच सहमति गरी संयुक्त सरकार गठन गरिएको उनले स्पष्ट पारे।
प्रधानमन्त्री ओलीले भने, “सरकार ढल्यो भनेर चिच्याइरहेका केही तत्वहरूलाई म भन्न चाहन्छु — अबको १४ महिनापछि म स्वयं राजीनामा दिएर प्रधानमन्त्रीको जिम्मेवारी कांग्रेस सभापति शेरबहादुर देउवालाई हस्तान्तरण गर्नेछु। त्यसपछि हाम्रो संयुक्त सरकारको नेतृत्वमा नै आगामी निर्वाचन सम्पन्न हुनेछ।”
प्रकाशित मिति: ९ जेष्ठ २०८२, शुक्रबार
प्रतिक्रिया