काठमाडौं । प्रधानमन्त्री केपी शर्मा ओलीले भिजिट भिसा प्रकरणमा मुछिएका गृहमन्त्री रमेश लेखकले पदबाट राजीनामा दिन नपर्ने बताएका छन् । कान्तिपुर मिडिया ग्रुपको आयोजनामा भएको हाफ म्याराथनको उद्घाटनका लागि पुगेका प्रधानमन्त्री ओलीले गृहमन्त्रीले राजिनामा दिन नपर्ने बताएका हुन् ।
आफुले विपक्षीको अधिकारको सम्मान गरेको तर गृहमन्त्रीको राजीनामा माग्नुको कुनै तुक नरहेको प्रधानमन्त्री ओलीको भनाइ छ । लाखौँ कर्मचारी मध्ये कुनैले गल्ती गर्यो भन्दैमा गृहमन्त्रीले राजीनामा गर्नुपर्छ र ? भन्दैप्रतिपश्न समेत गरेका छन् ।
ओलीलले भने, सीजन यही हो, मैले पनि विरोध गर्नुपर्छ भन्नुमा कुनै तर्क छैन। अख्तियारले एकजना कर्मचारीलाई बोलायो, फर्काइदियो। बयान लिएको छैन, थुनेको छैन। गृहमन्त्रीले राजीनामा गर्नुपर्यो भन्या के हो त्यो ? लाखौं कर्मचारीमध्ये कुनैले गल्ती गर्यो भन्दैमा गृहमन्त्रीले राजीनामा गर्नुपर्छ र ?
प्रकाशित मिति: १७ जेष्ठ २०८२, शनिबार
प्रतिक्रिया