काठमाडौँ । प्रधानमन्त्री केपी शर्मा ओलीले एमालेभित्र फाटो ल्याउन केहीले भ्रम फिँजाउन खोजिएको आरोप लगाएका छन् । पार्टी निकट अनेरास्ववियुको २४ औँ राष्ट्रिय सम्मेलनको आइतबार काठमाडौँमा सम्बोधन गर्दै ओलीले त्यस्ता भ्रमको पछि नलाग्न आग्रह गरेका छन् ।
‘एमालेमा फाटो ल्याउन अहिले भ्रम फिँजाउने तत्त्वहरू सक्रिय छन् । एमालेभित्रै भ्रम फिजाउनेहरु छन् । हामी अँध्यराको पक्ष लाग्ने होइन’, ओलीले भने, ‘एमालेमा अनेकौँ खालको फाटो ल्याउन एकता हुँदै हुँदैन भन्ने अनेकन् भ्रम फिँजाउन खोज्दैछन् । अनेरास्ववियुमा सर्वसहमति सबैभन्दा राम्रो कुरा हो । केही साथीले त्याग गर्नुभयो भने सहमति हुन्छ ।’
एमालेले ठुलो सङ्घर्ष गरेर लोकतन्त्र ल्याएको दाबी गर्दै ओलीले अहिले लोकतन्त्रको नाममा फेसबुके फाटोको ल्याउन खोज्नुको कुनै अर्थ नभएको बताए ।
प्रकाशित मिति: २५ जेष्ठ २०८२, आइतबार
प्रतिक्रिया