काठमाडौं । नेपाल कम्युनिस्ट पार्टी (एकीकृत समाजवादी)का अध्यक्ष तथा पूर्वप्रधानमन्त्री माधवकुमार नेपालले पतञ्जलिसँग जोडिएको जग्गा सट्टापट्टा प्रकरणमा आफ्नो कुनै भूमिका नरहेको भन्दै आरोपहरू अस्वीकार गरेका छन्।
बागमती प्रदेश कमिटीको दोस्रो पूर्ण बैठकलाई सम्बोधन गर्दै अध्यक्ष नेपालले आफूविरुद्ध लगाइएको आरोप भ्रामक भएको जिकिर गर्दै सत्यको खोजीका लागि निष्पक्ष छानबिन आवश्यक रहेको बताए।
“विशेष अदालतमा मुद्दा दायर भइसकेको छ। म अनुसन्धानको विपक्षमा होइन। सुशासनप्रति प्रतिबद्ध छु,” उनले भने, “तर, मलाई अनावश्यक रूपमा आरोपित गरिएको छ, जसको कानुनी ढंगले प्रतिवाद हुनेछ।”
नेपालले आफ्नो कानुनी सल्लाहकार टोलीले पुराना कागजातहरू झण्डै एक हजार पृष्ठको गहिरो अध्ययन गरिरहेको समेत जानकारी दिए।
प्रकाशित मिति: २६ जेष्ठ २०८२, सोमबार
प्रतिक्रिया