दाङ । बाजुराबाट बिरामी लिएर काठमाडौं जान तयारी अवस्थामा रहेको सिम्रिक एयरको हेलिकप्टर खराब मौसमका कारण दाङको भालुबाङमा आकस्मिक अवतरण गरिएको छ।
भीषण वर्षा र खराब मौसमका कारण उडान सम्भव नहुने स्थिति बनेपछि हेलिकप्टरलाई सशस्त्र प्रहरी बलको २९ नम्बर गण परिसरमा अवतरण गराइएको हो।
गणपति प्रहरी वरिष्ठ उपरीक्षक (एसपी) मनोज धितालका अनुसार झन्डै एक घण्टा पहिले अवतरण गरिएको हेलिकप्टर अझै पनि गण परिसरमै रोकिएको छ।
मौसममा सुधार आएपछि मात्र हेलिकप्टर पुनः गन्तव्यतर्फ उड्ने जनाएको छ।
प्रकाशित मिति: ३० जेष्ठ २०८२, शुक्रबार
प्रतिक्रिया