काठमाडौँ । हिमाली जिल्ला मनाङ पुग्ने एकमात्र बेसीसहर-चामे सडकमा पहिरो जाँदा सडक अवरुद्व भएको छ ।
सडकको लमजुङ खण्ड मर्स्याङ्दी गाउँपलिका ४, च्याम्चे नजिकै पहिरो जाँदा सडक अबरुद्व भएको हो । सडक अवरुद्व भएपछि गन्तव्यमा निस्किएका सवारी साधनहरु रोकिएका छन्।
च्याम्चे र बुङ झरना वारीबीचको सडकमा माथिबाट पहिरो आउँदा सडक अबरुद्व भएको स्थानीय होटल व्यवसायी बाबुराम तामाङले बताए । उनका अनुसार मङ्गलबार मध्यरात १२ बजेतिर पहिरो खसेको हो ।
जिल्ला प्रहरी कार्यालय लमजुङका प्रमुख डिएसपी रेशम बोहराले सडक माथिबाट पहिरो खस्दा सडक अबरुद्व भएको बताए । प्रहरीका अनुसार बुधबार बिहान बुङझरना नजिक सडक माथिबाट पहिरो खसेको छ ।
प्रकाशित मिति: ४ असार २०८२, बुधबार
प्रतिक्रिया