काठमाडौं । ललितपुरको दक्षिणपूर्वी भेगमा रहेको महाङ्काल गाउँपालिका –६ ठूलादुर्लुङमा खोल्सामा आएको बाढीले बगाउँदा सवइञ्जिनियरको मृत्यु भएको छ।
महाङ्काल गाउँपालिका–६ का वडाअध्यक्ष विनोद चौलागाईंले दिएको जानकारीअनुसार मृत्यु हुनेमा सवइन्जिनियर २१ वर्षीय सविन दाहाल छन्।
बुधबार साँझ ठूलादुर्लुङस्थित भर्याङखोल्सामा आएको बाढीले बगाउँदा महाङ्काल–४ कालेश्वर स्थायी ठेगाना भई हाल ललितपुर महानगरपालिका–२९ हरिसिद्धी बस्ने दाहाल बेपत्ता भएका थिए।
खोलीका क्रममा गएराति १० बजेतिर उनको शव फेला परेको हो। ‘खोल्सामा साँझ साढे सात बजेतिर आएको बाढीले बगाउँदा उहाँ बेपत्ता हुनु भएको थियो। हामीले खोजीको क्रममा राति १० बजेतिर शव फेला परेको हौँ,’ चौलागाईँले भने।
घटनाका सम्बन्धमा थप अनुसन्धान सुरु गरिएको ललितपुर प्रहरीले जनाएको छ।
प्रकाशित मिति: १२ असार २०८२, बिहिबार
प्रतिक्रिया