काठमाडाैं । नवलपरासी (बर्दघाट सुस्तापूर्व)को मध्यविन्दु नगरपालिका–६ भण्डारमा सर्पको डसाइबाट एक महिलाको मृत्यु भएको छ।
स्थानीय ४६ वर्षीया शान्ति डुम्रेललाई बुधबार राति घरमै भाँडा माझ्ने क्रममा दाहिने खुट्टामा सर्पले डसेको थियो। सर्पदंशपछि तत्कालै कालीगण्डकी अस्पताल, कावासोती लगिए पनि उपचारका क्रममा राति नै उनको मृत्यु भएको जिल्ला प्रहरी कार्यालयका प्रहरी उपरीक्षक यादव ढकालले जानकारी दिए।
डस्ने सर्पको प्रजाति पहिचान नभएको प्रहरीले जनाएको छ। हाल गर्मीयामसँगै जिल्लामा सर्पदंशका घटनाहरू बढ्दै गएका छन्।
प्रकाशित मिति: १२ असार २०८२, बिहिबार
प्रतिक्रिया