काठमाडौं । निजामती विधेयकमा देखिएको विवादपछि प्रतिनिधिसभाअन्तर्गतको राज्यव्यवस्था तथा सुशासन समितिका सचिव सुरजकुमार दुराले पद त्याग गरेको बताएका छन्।
‘कुलिङ पिरियड’ सम्बन्धी प्रावधानमा चलखेल भएको आरोप लागेसँगै दुराले अब समितिको जिम्मेवारीमा नरहने स्पष्ट पारेका हुन्।
“मैले हिजो नै समितिमा अब जिम्मेवारी नलिने निर्णय गरिसकेको छु,” उनले बाह्रखरीसँग कुरा गर्दै प्रतिक्रिया दिएका छन्।
संसद् सचिवालयमा सचिवको जिम्मेवारी पाएका दुरालाई त्यसपछि पनि राज्यव्यवस्था तथा सुशासन समितिको सचिवको भूमिका दिइएको थियो। तर, पछिल्ला घटनाक्रमले उनी विवादमा मुछिएपछि उनले समिति सचिवको जिम्मेवारीबाट अलग हुने घोषणा गरेका हुन्।
प्रकाशित मिति: १९ असार २०८२, बिहिबार
प्रतिक्रिया