काठमाडौं । काठमाडौंको टोखामा माइक्रोबसको ठक्करबाट स्कुटर चालकको ज्यान गएको छ। दुर्घटनामा परेर सर्लाहीका २४ वर्षीय सोनाम योन्जनको मृत्यु भएको हो।
टोखा नगरपालिका–६ स्थित ग्राण्डी अस्पताल नजिकैको सडक खण्डमा बुधबार बिहान बा.प्र–०१–००२ ज ७३७८ नम्बरको ईभी माइक्रोबसले बा.प्र–०२–०४४ प ६४०५ नम्बरको स्कुटरलाई ठक्कर दिँदा दुर्घटना भएको प्रहरीले जनाएको छ।
दुर्घटनामा गम्भीर घाइते भएका स्कुटर चालक योन्जनलाई तत्कालै ग्राण्डी अस्पताल लगिएको भए पनि उपचारकै क्रममा उनको मृत्यु भएको हो।
मृतक सोनाम पठाओमा स्कुटर चालकको रूपमा कार्यरत थिए। उनी सर्लाहीको हरिवन नगरपालिका–१ बिलन्दी स्थायी घर भई हाल काठमाडौंको थलीमा बस्दै आएका थिए।
हाल मृतकको शव ग्राण्डी अस्पतालमा राखिएको छ भने दुर्घटनाबारे थप अनुसन्धान भइरहेको ट्राफिक प्रहरीले जनाएको छ।
प्रकाशित मिति: २५ असार २०८२, बुधबार
प्रतिक्रिया