काठमाडाैं । नेपाली कांग्रेसका नेता कृष्णप्रसाद सिटौलाले सरकारले गठबन्धनको भावनाअनुसार काम गर्नुपर्ने बताएका छन्।
सोमबार (आज) चाक्सीबारीमा सात नेताहरूको बैठकबाट बाहिरिने क्रममा पत्रकारहरूसँग कुराकानी गर्दै उनले यस्तो बताए। ‘हाम्रो मान्यता के छ भने यो गठबन्धनको सरकार हो, नेपाली कांग्रेस र एमालेको। गठबन्धनको भावनाअनुसार सरकारले काम गर्नुपर्छ,’ उनले भने।
सिटौलाले गठबन्धन ०८४ सम्म नै जाने बताए। ‘र, यो गठबन्धनचाहिँ ०८४ को निर्वाचनसम्म नै जान्छ, जाने गरी त्यो विश्वासको आधारमा सरकारले अझै राम्रो गरी काम गरोस् भन्ने हाम्रो धारणा छ,’ उनले भने।
प्रकाशित मिति: ५ श्रावण २०८२, सोमबार
प्रतिक्रिया