काठमाडौं । नेकपा (एकीकृत समाजवादी)का वरिष्ठ नेता तथा पूर्वप्रधानमन्त्री झलनाथ खनालले राष्ट्रिय स्वार्थ र अस्मितासँग प्रत्यक्ष सम्बन्ध राख्ने विषयहरूमा विपक्षी नेता पुष्पकमल दाहाल ‘प्रचण्ड’लाई कडा सन्देश दिएका छन्।
शनिबार राजधानीमा आयोजित पुष्पलाल स्मृति दिवस समारोहमा मन्तव्य दिने तयारीमा रहेका खनालको भनाइ अघि नै दाहाल कार्यक्रमबाट बाहिरिएपछि उनले पत्रकारमार्फत व्यंग्य मिश्रित ढंगमा दाहाललाई सन्देश पठाएका हुन्।
खनालले भारत र चीनजस्ता छिमेकी मुलुकहरूसँग सन्तुलन कायम नगरी गरिने कुनै पनि एकतर्फी सम्झौता वा सन्धिले नेपालको राष्ट्रियता नै खतरामा पार्न सक्ने भन्दै त्यसप्रति सचेत रहन आग्रह गरे।
‘नेपालको सार्वभौमिकता, स्वतन्त्रता र राष्ट्रिय हितमाथि आँच आउने गरी गरिने कुनै पनि कदम स्वीकार्य हुँदैन’, खनालले भने, ‘त्यसकारण देशभक्त सबै शक्तिहरू सतर्क बन्नुपर्छ र दाहालजस्ता नेताहरू अझै बढी जिम्मेवार हुनुपर्छ।’
खनालले हालै चर्चामा रहेको ‘रुवरुप बाबुको नाम नचाहिने’ नागरिकता विधेयकप्रति पनि चिन्ता व्यक्त गरे। उनले यस प्रावधानको नाममा उत्तरतर्फबाट अघोषित रूपमा हजारौँ व्यक्तिलाई नेपाली नागरिकता दिने रणनीति लुकेको आशंका व्यक्त गरे।
‘यसमा गम्भीर ध्यान पुर्याउनुपर्छ’, खनालले भने, ‘कुनै पनि हालतमा नागरिकता हाम्रो राष्ट्रिय सुरक्षासँग प्रत्यक्ष जोडिएको विषय हो, यसमा हल्कापन देखाउन मिल्दैन।’
खनालले विगतमा भारतसँग भएका कोशी र गण्डक सम्झौताहरू नेपाली हितविपरीत रहेको स्मरण गराउँदै यस्ता असमान सम्झौता दोहोरिन नदिन प्रधानमन्त्री दाहाललाई सुझाव पनि दिए।
‘भविष्यका सम्झौता गर्दा केवल हस्ताक्षर गर्नैपर्ने दबाबमा नपरी, नेपालको हित र सम्मान सुनिश्चित हुने गरी मात्र अघि बढ्नुपर्छ’, उनले चेतावनी दिए।
कार्यक्रममा उनले पटक–पटक प्रचण्डको नाम लिँदै संवाद, सन्तुलन र सतर्कतामै राष्ट्रको भविष्यमाथि निर्भर रहेको उल्लेख गरे।
प्रकाशित मिति: १० श्रावण २०८२, शनिबार
प्रतिक्रिया