एजेन्सी । भारत उत्तराखण्डको हरिद्वारस्थित मनसा देवी मन्दिरमा आइतबार भएको भागदौड मच्चिँदा छ जनाको मृत्यु भएको छ।
मिडिया रिपोर्टका अनुसार भागदौडमा धेरै जना घाइते भएका छन्। यसैबीच, राज्यका मुख्यमन्त्री पुष्कर सिंह धामीले ट्विटरमा पोस्ट गर्दै यस घटनाप्रति दुःख व्यक्त गरे।
उनले लेखेका छन्, ‘हरिद्वारको मनसा देवी मन्दिरमा भएको भागदौडको बारेमा धेरै दुखद खबर प्राप्त भएको छ। उत्तराखण्ड एसडीआरएफ, स्थानीय प्रहरी र अन्य उद्धार टोलीहरू घटनास्थलमा पुगेका छन् र राहत र उद्धार कार्यमा संलग्न छन्। म यस सम्बन्धमा स्थानीय प्रशासनसँग निरन्तर सम्पर्कमा छु र परिस्थितिको निरन्तर निगरानी भइरहेको छ। म सबै भक्तहरूको सुरक्षाको लागि माता रानीसँग प्रार्थना गर्दछु।’
समाचार एजेन्सी एएनआईले गढवाल डिभिजनका आयुक्त विनय शंकर पाण्डेलाई उद्धृत गर्दै उनी घटनास्थलतर्फ प्रस्थान गरिसकेका छन् र विस्तृत प्रतिवेदनको प्रतीक्षामा रहेको बताएको छ।
प्रकाशित मिति: ११ श्रावण २०८२, आइतबार
प्रतिक्रिया