काठमाडौं । राजधानी काठमाडौंको गोंगबु क्षेत्रमा एक जना बंगाली नागरिकको हत्या भएको छ ।
५५ वर्षीय सुब्रत पालको हत्या अभियोगमा प्रहरीले एकजनालाई पक्राउ गरेको छ । काठमाडौं जिल्ला प्रहरी परिसरका एसपी कुलदिप चन्दका अनुसार हत्या आरोपमा ४२ वर्षीय श्याम कालिकोटे पक्राउ परेका हुन् ।
उनीहरू एउटै घरमा बस्दै आएका थिए । प्रहरीको प्रारम्भिक अनुसन्धानअनुसार घटना मध्यराततिर भएको अनुमान गरिएको छ । हत्या गरेपछि कालिकोटे फरार भएका थिए भने उपत्यका अपराध अनुसन्धान कार्यालय र काठमाडौं प्रहरीको संयुक्त टोलीले उनलाई गोंगबुबाटै पक्राउ गरेको हो ।
मृतक पाल सुनको कारोबारमा संलग्न रहेको प्रारम्भिक जानकारी प्रहरीले दिएको छ । घटनाको थप अनुसन्धान भइरहेको जनसेवा प्रहरी वृत्तले जनाएको छ ।
प्रकाशित मिति: १४ श्रावण २०८२, बुधबार
प्रतिक्रिया