काठमाडौं । यहि अगष्ट १४ देखि २४ तारिखसम्म अस्ट्रेलियाको डार्विनमा आयोजना हुने टप इन्ड टी–२० क्रिकेट खेल्ने नेपाली टोलीको घोषणा भएको छ ।
सो प्रतियोगितामा पहिलोपटक सहभागीता जनाउन लागेको नेपाली टोलीमा कप्तान पौडलसँगै दीपेन्द्रसिंह ऐरी, आशिफ शेख, सन्दीप लामिछाने, कुशल भूर्तेल, कुशल मल्ल, गुलशन झा र आरिफ शेख छन् । यस्तै,भीम सार्की, रुपेश सिंह, सोमपाल कामी, नन्दन यादव, करन केसी, रिजन ढकाल, लोकश बम र ललित राजवंशीपनि टोलीमा समावेश छन् ।
१० दिनसम्म चल्ने प्रतियोगितामा पाकिस्तान ‘ए’, बंगलादेश ‘ए’ र अमेरिकाको माइनर लिग विजेता सिकागो किंग्सम्यान लगायत बिबिएलका विभिन्न टोलीले प्रतिस्पर्धा गर्नेछन् ।
प्रकाशित मिति: २० श्रावण २०८२, मंगलबार
प्रतिक्रिया