काठमाडौं । भारतको उत्तराखण्ड प्रदेशको उत्तरकाशीमा गएको भीषण बाढी–पहिरोमा हराएका नेपालीहरू हालसम्म फेला नपरेको भारतस्थित नेपाली दूतावासले जनाएको छ।
दूतावासले शुक्रबार विज्ञप्ति जारी गर्दै घटनापछि कुनै पनि नेपालीको शव फेला नपरेको स्पष्ट गरेको छ। बाढी प्रभावित क्षेत्रमा रहेका नेपालीहरूको अवस्था, हराइरहेका व्यक्तिको खोजी तथा उद्धारका लागि दूतावासले उत्तराखण्ड सरकारका सम्बन्धित निकाय र भारतको विदेश मन्त्रालयसँग निरन्तर समन्वय गरिरहेको दूतावासले जनाएको छ।
दूतावासका अनुसार घाइतेको उपचार तथा अन्य आवश्यक सहयोगका लागि समेत भारतीय पक्षसँग निरन्तर सम्पर्कमा रहँदै कार्य भइरहेको छ।
प्रकाशित मिति: २३ श्रावण २०८२, शुक्रबार
प्रतिक्रिया