काठमाडाैं । प्रधानमन्त्री केपी शर्मा ओलीले यस वर्षको खेतीपाती सिजनमा रासायनिक मलको अभाव नहुने दाबी गरेका छन्।
आइतबार सामाजिक सञ्जालमार्फत वक्तव्य जारी गर्दै उनले सरकारले मल आपूर्तिमा विशेष प्राथमिकता दिएको उल्लेख गरेका छन्। कृषि मन्त्रालयको तथ्यांक उद्धृत गर्दै ओलीले हाल कृषि सामग्री कम्पनीसँग २९ हजार ११ मेट्रिक टन र साल्ट ट्रेडिङ कर्पोरेसनसँग १३ हजार ७१२ मेट्रिक टनसहित कुल ४२ हजार ८२३ मेट्रिक टन युरिया, डिएपी र पोटास मौज्दात रहेको जानकारी दिए।
उनका अनुसार थप १ लाख ४० हजार ५०४ मेट्रिक टन मल भित्र्याउने प्रक्रिया भइरहेको छ, जसका कारण किसानले आवश्यक समयमा मल अभावको सामना गर्नुपर्ने छैन।
ओलीले कुनै स्थानमा मलको कमी देखिए तत्काल सम्बन्धित निकायलाई जानकारी दिन किसानलाई आग्रह गर्दै, “खेतबारी हराभरा बनाऔं,” भन्ने सन्देशसमेत दिएका छन्।
प्रकाशित मिति: २६ श्रावण २०८२, सोमबार
प्रतिक्रिया