काठमाडाैं । राष्ट्रिय मानवअधिकार आयोगका प्रतिनिधिहरूले रुपन्देही कारागारमा राष्ट्रिय स्वतन्त्र पार्टीका सभापति रवि लामिछानेलाई राखिएको कोठामा वातानुकूलित एसी नहुँदा र झ्याल प्लाइउडले बन्द गरिएको तथ्य पुष्टि गरेका छन्।
कारागारको अनुगमनमा आयोगका प्रतिनिधिहरूले त्यहाँका आधारभूत सुविधा अत्यन्त सीमित रहेको टिप्पणी गरेका छन्।
मानवअधिकार आयोगकी प्रवक्ता लिली थापाका अनुसार, कारागारमा क्षमताभन्दा बढी कैदी राखिएको छ भने शौचालयको संख्या र अवस्था दुवै असन्तोषजनक रहेको छ।
थापाले बताइन् कि रवि लामिछानेलाई राखिएको ब्लकमा झ्यालहरू प्लाइउडले बन्द गरिएको कारण भित्री हावा पास हुन समस्या भएको छ। कोठामा दुई वटा पंखा रहेका छन्—एक चाइनिज र अर्को पार्टी प्यालेसमा प्रयोग हुने ठूलो पंखा।
जेल प्रशासनले सुरक्षाका दृष्टिले झ्याल बन्द गरिएको जवाफ दिएको छ भने आयोगको आग्रहमा झ्याल खोल्न तयार रहेको जनाइएको छ।
प्रकाशित मिति: २६ श्रावण २०८२, सोमबार
प्रतिक्रिया