काठमाडौँ । सुदूरपश्चिममा गएरातिदेखि लगातार परेको वर्षाका कारण महाकाली नदीमा पानीको बहाव तीव्र रूपमा बढेको छ। पानीको सतह बढेपछि कञ्चनपुरस्थित शारदा ब्यारेज पुलमा ठूला सवारी साधन सञ्चालन रोकिएको जिल्ला प्रहरी कार्यालय कञ्चनपुरले जनाएको छ।
प्रहरीका अनुसार आज बिहान ११ बजेसम्म नदीमा पानीको प्रवाह १ लाख २६ हजार ७१२ क्यूसेक मापन गरिएको छ। जिल्ला प्रहरी कार्यालयका प्रवक्ता सागर बोहराले वर्षा जारी रहेकाले पानीको सतह अझै बढ्ने सम्भावना रहेको बताए।
नेपाल–भारत सीमामा पर्ने बनबासा पुलमा हाल चार पाङ्ग्रे सवारीको आवागमन रोकिएको छ भने दुई पाङ्ग्रे सवारी र पैदल यात्रुहरूलाई आवतजावत गर्न अनुमति दिइएको छ।
प्रकाशित मिति: २९ श्रावण २०८२, बिहिबार
प्रतिक्रिया