काठमाडौं । अशोक राई नेतृत्वको जनता समाजवादी पार्टी (जसपा) र राजेन्द्र महतो नेतृत्वको राष्ट्रिय मुक्ति पार्टी नेपाल बीच कार्यगत एकता भएको छ।
बिहीबार राजधानीमा आयोजित विशेष कार्यक्रममा दुवै दलका शीर्ष नेताहरूको उपस्थितिमा कार्यगत एकता घोषणा गरिएको हो।
साझा मुद्दा, लक्ष्य र उद्देश्य हासिल गर्ने प्रतिबद्धतासहित गरिएको यो एकतालाई निकट भविष्यमा पूर्ण पार्टी एकीकरणमा रूपान्तरण गर्ने नीति दुवै पक्षले सार्वजनिक गरेका छन्।
सहमति पत्रअनुसार, मुलुकको समावेशी, समान अधिकार र न्यायपूर्ण राजनीतिक प्रणालीको निर्माणका लागि एकताबद्ध रूपमा अघि बढ्ने दुवै दलको निर्णय छ।
प्रकाशित मिति: २९ श्रावण २०८२, बिहिबार
प्रतिक्रिया