काठमाडौं । प्रतिनिधि सभाका सभामुख देवराज घिमिरेले सङ्घीय निजामती सेवा विधेयक, २०८० सम्बन्धी कुलिङ अफ पिरियड प्रतिवेदनमा देखिएका त्रुटि सुधारका लागि गठित संसदीय छानबिन विशेष समितिको प्रतिवेदन कार्यान्वयन गर्न निर्देशन दिएका छन्।
शुक्रबार सभामुख घिमिरेले प्रमुख दलका प्रमुख सचेतकहरूको सल्लाह अनुसार प्रतिनिधि सभाका सचिव हर्कराज राईमार्फत प्रतिवेदन सबै दलका संसदीय कार्यालय, प्रधानमन्त्री तथा मन्त्रिपरिषद्को कार्यालय, कानुन, न्याय तथा संसदीय मामिला मन्त्रालयमा कार्यान्वयनका लागि पठाउन निर्देशन दिएका छन्।
त्यसैगरी, सभामुख घिमिरेले सङ्घीय मामिला तथा सामान्य प्रशासन मन्त्रालय र सङ्घीय संसद् सचिवालयलाई आवश्यक कार्यान्वयनका लागि प्रतिवेदन पठाउन पनि सचिव राईलाई निर्देशन दिएका छन्।
प्रकाशित मिति: ३० श्रावण २०८२, शुक्रबार
प्रतिक्रिया