काठमाडौं । प्रतिनिधि सभाका सभामुख देवराज घिमिरेले संघीय निजामती सेवा विधेयक, २०८० को कुलिङ अफ पिरियड सम्बन्धी संसदीय छानबिन विशेष समितिको प्रतिवेदन कार्यान्वयनका लागि निर्देशन दिएका छन्।
सभामुख घिमिरेले प्रमुख दलका प्रमुख सचेतकहरूको सुझावअनुसार सबै दलका संसदीय कार्यालय, प्रधानमन्त्री तथा मन्त्रिपरिषद्को कार्यालय, कानुन, न्याय तथा संसदीय मामिला मन्त्रालयलाई प्रतिवेदन कार्यान्वयनका लागि पठाउन प्रतिनिधि सभाका सचिव हर्कराज राईलाई निर्देशन दिएका हुन्।
त्यस्तै, घिमिरेले संघीय मामिला तथा सामान्य प्रशासन मन्त्रालय र संघीय संसद सचिवालयलाई आवश्यक कार्यान्वयनका लागि प्रतिवेदन उपलब्ध गराउन पनि सचिव राईलाई आदेश दिएका छन्।
प्रकाशित मिति: ३० श्रावण २०८२, शुक्रबार
प्रतिक्रिया