काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेलाई रुपन्देही कारागारबाट आज दिउँसो काठमाडौं ल्याइँदैछ।
बुटवलमा सहकारी ठगी प्रकरणमा पुर्पक्षका लागि गत चैत २५ गतेदेखि उनी रुपन्देही कारागारमा रहेका थिए। लामिछानेले जेठ महिनामै नख्खु कारागारमा सरुवाका लागि निवेदन दिएका थिए। अदालतले पनि अनुमति दिएको भए पनि गृह प्रशासनले त्यसबेला प्रक्रिया रोकेको थियो।
राष्ट्रिय मानव अधिकार आयोगको टोलीले केही दिनअघि रुपन्देही कारागार अनुगमन गर्दा लामिछानेले भैरहवामा आफू असुरक्षित भएको बताएपछि सरकारले उनलाई काठमाडौं सार्ने निर्णय गरेको हो।
कारागार विभागका अनुसार लामिछानेलाई आज दिउँसो ३:१० बजे बुद्ध एयरको विमानमार्फत काठमाडौं ल्याइने भएको छ।
प्रकाशित मिति: ३१ श्रावण २०८२, शनिबार
प्रतिक्रिया