काठमाडाैं । पाकिस्तान र पाक-प्रशासित कश्मीरमा लगातारको वर्षा, बाढी र पहिरोका कारण मृत्यु हुनेको संख्या तीव्र गतिमा बढेर ३०७ पुगेको अधिकारीहरूले जनाएका छन्।
सबैभन्दा बढी क्षति खैबर पख्तुनख्वा प्रान्तको पहाडी क्षेत्रमा भएको छ, जहाँ अधिकांश मृतक फेला परेका छन्। प्रान्तमा कम्तीमा ७४ घर ध्वस्त भएका छन्। उद्धार कार्यका क्रममा उडिरहेको एउटा एम–१७ हेलिकप्टर दुर्घटना हुँदा पाँच चालक दल सदस्यको मृत्यु भएको छ। प्रान्तीय सरकारले एक दिने शोक घोषणा गरेको छ।
पाक-प्रशासित कश्मीरमा थप नौ जनाको मृत्यु पुष्टि भएको छ भने उत्तरी गिलगित–बाल्टिस्तानमा पाँच जनाको मृत्यु भएको सरकारी अधिकारीहरूले बताए। मौसमविद्हरूले आगामी दिनमा अझ भारी वर्षाको सम्भावना भएकाले प्रभावित जिल्लाहरूलाई ‘जोखिम क्षेत्र’ घोषणा गरिएको जानकारी दिएका छन्।
यसैबिच, भारतीय–प्रशासित कश्मीरमा पनि हिमाली क्षेत्रमा आएको भीषण बाढीले कम्तीमा ६० जनाको मृत्यु भएको छ। उद्धारकर्ताहरू माटो र भग्नावशेषबाट शवहरू निकाल्न व्यस्त छन्।
दक्षिण एसियामा वार्षिक मनसुनका कारण प्रत्येक वर्ष करिब तीन–चौथाइ वर्षा यस क्षेत्रमा पर्छ। वैज्ञानिकहरूका अनुसार जलवायु परिवर्तनका कारण बाढी र अन्य मौसमी विपद्को तीव्रता र आवृत्ति दुवै बढ्दै गएको छ।
प्रकाशित मिति: ३१ श्रावण २०८२, शनिबार
प्रतिक्रिया