काठमाडौं । नेकपा एकीकृत समाजवादीले रुपन्देही–३ उपनिर्वाचनका लागि अध्ययन प्रतिवेदन तयार गर्न पाँच सदस्यीय कार्यदल गठन गरेको छ। कार्यदलको संयोजकका रूपमा उपमहासचिव तथा लुम्बिनी प्रदेश इञ्चार्ज मेटमणि चौधरी नियुक्त भएका छन्।
सचिव सोमप्रसाद पाण्डे, प्रदेश कमिटी अध्यक्ष अब्दुल हुसेन खाँ, रुपन्देही जिल्ला इञ्चार्ज नन्द बन्जाडे र जिल्ला अध्यक्ष हिराध्वज शाह कार्यदलका अन्य सदस्य रहेका छन्।
कार्यदलले भदौ १० भित्र प्रतिवेदन बुझाउने कार्यादेश पाएको छ। सचिव पाण्डेका अनुसार आइतबार कार्यदलको पहिलो बैठक बसेर प्रतिवेदन तयार गर्ने प्रक्रिया सुरु गरिएको छ।
आगामी कात्तिक १७ गते रुपन्देही–३ मा हुने उपनिर्वाचनमा एकीकृत समाजवादीले एक्लै उम्मेदवारी दिने कि अन्य पार्टीसँग सहकार्य गर्ने भन्ने निर्णय प्रतिवेदन प्राप्त भएपछि तय गरिने उपाध्यक्ष प्रकाश ज्वालाले जानकारी दिएका छन्।
प्रकाशित मिति: १ भाद्र २०८२, आइतबार
प्रतिक्रिया