काठमाडाैं । जनता समाजवादी पार्टी (जसपा) नेपालका अध्यक्ष उपेन्द्र यादवले नेपालको वर्तमान संघीयता ‘नक्कली’ भएको टिप्पणी गरेका छन्।
उनका अनुसार सदियौँदेखि पछाडि पारिएका समुदायले आत्मीयता अनुभव गर्न नसक्ने र सुशासन सुनिश्चित गर्न असमर्थ प्रणालीलाई वास्तविक संघीयता भन्न सकिँदैन।
यादवले उदाहरण दिंदै भने, “भारत, अमेरिका, क्यानडा र स्वीजरल्यान्डजस्ता मुलुकहरू संघीय संरचनाकै कारण विश्वमा शक्तिशाली र समृद्ध बनेका छन्।”
देशलाई प्रगतिपथमा अघि बढाउन विविधतालाई आत्मसात गर्ने र सबै नागरिकले अपनत्व महसुस गर्ने खालको सत्य संघीयता कार्यान्वयन गर्न जरुरी रहेको उनको भनाइ छ।
प्रकाशित मिति: ७ भाद्र २०८२, शनिबार
प्रतिक्रिया