काठडामाैं । कालीकोट जिल्लाकाे कालेखोलामा सडक भासिएपछि अवरुद्ध भएको कर्णाली राजमार्ग आज बिहानदेखि एकतर्फी रूपमा सञ्चालनमा आएको छ।
कालेखोलामा आएको लेदोसहितको पहिरो पन्छाएपछि राजमार्ग खुलाइएको कालीकोटका प्रहरी प्रमुख डीएसपी टेकबहादुर रावतले जानकारी दिए।
सडक खुलेसँगै कर्णाली करिडोर हुँदै कालीकोट, जुम्ला, मुगु, बाजुरा हुँदै हुम्ला जाने साना सवारीसाधनहरू पुनः गन्तव्यतर्फ निस्किएका छन्। प्रहरीले सुरक्षा व्यवस्था कडा गर्दै यात्रु र सवारीसाधनको सञ्चालन नियमित गरिरहेको छ।
प्रकाशित मिति: ११ भाद्र २०८२, बुधबार
प्रतिक्रिया