काठमाडौं । साफ यू–१७ महिला च्याम्पियनसिपअन्तर्गत नेपालले आज अन्तिम खेलमा आयोजक भुटानसँग प्रतिस्पर्धा गर्ने भएको छ ।
भुटानको थिम्पुस्थित खेल मैदानमा हुने खेल नेपाली समय अनुसार बेलुकी ५:४५ बजे सुरु हुनेछ । यो खेल नेपालको लागि प्रतियोगिताको अन्तिम प्रतिस्पर्धा हो ।
नेपालले यसअघि खेलेका खेलमा मिश्रित नतिजा हासिल गरेको थियो । अन्तिम खेलमा जित निकाल्दै टुर्नामेन्टलाई सकारात्मक रूपमा समाप्त गर्ने लक्ष्य रहेको टोली स्रोतले जनाएको छ ।
आयोजक भुटानसमेत आफ्नै घरेलु मैदानमा उत्कृष्ट प्रदर्शन गर्ने तयारीमा रहेको छ ।
प्रकाशित मिति: १५ भाद्र २०८२, आइतबार
प्रतिक्रिया