काठमाडौं । निजामती सेवा सम्बन्धी विधेयकमा प्रस्ताव गरिएको उमेर सीमा विषयमा सरकार आफ्नो अडानबाट पछि हटेको छ।
यसअघि सामान्य प्रशासन मन्त्री भगवती न्यौपानेले समितिको बैठकमै उमेर सीमा कायम गर्ने अडान राखेकी थिइन्। तर उक्त अडान अल्पमतमा पर्नसक्ने परिस्थिति बनेपछि मंगलबार बसेको बैठकमा उनले व्यक्तिगत स्वार्थ वा लाभ केही नभएको स्पष्ट पार्दै आफ्नो अडान त्यागेको घोषणा गरिन्।
‘राष्ट्रियसभामा सर्वसम्मत परम्परा तोड्न नदिउँ, सहमति गरेर अघि बढौँ भन्ने चाहना हो। त्यसैले अडानमा अडिन आवश्यक ठानेनँ,’ मन्त्री न्यौपानेले भनिन्।
यससँगै प्रतिनिधि सभाले पठाएको जस्तै उमेर सीमा सम्बन्धी व्यवस्था यथावत रहने भएको छ।
प्रकाशित मिति: १७ भाद्र २०८२, मंगलबार
प्रतिक्रिया