काठमाडौँ । सुडानमा पहिरो जाँदा कम्तीमा एक हजार जनाको मृत्यु भएको छ ।
भारी वर्षाका कारण ३१ अगस्टमा पश्चिमी डार्फर क्षेत्र मारा पर्वतमा पहिरोले गाउँ ध्वस्त पारेपछि कम्तीमा एक हजार जनाको मृत्यु भएका हो ।
भारी वर्षाका कारणले अहिले तारासिन गाउँको ठूलो हिस्सा विनाश भएको छ।
‘प्रारम्भिक विवरणअनुसार गाउँका सबै बासिन्दाको मृत्यु भएको छ, जसको संख्या १,००० भन्दा बढी हुने अनुमान छ। केवल एक जना मात्र जीवित छन्,’ समूहले जारी गरेको विज्ञप्तिमा उल्लेख छ।
विद्रोहीहरूले संयुक्त राष्ट्रसंघ र अन्तर्राष्ट्रिय सहायता निकायहरूसँग पीडितहरूको शव उद्धार तथा राहतका लागि सहयोग गर्न अपिल गरेका छन्। मृतकमध्ये बालबालिका पनि रहेका छन्।
सुडानमा तीन वर्षदेखि चलिरहेको गृहयुद्धले देशलाई विश्वकै भीषणतम मानवीय संकटमध्ये एकमा धकेलेकै बेला यो प्राकृतिक विपत्ति थपिएको हो।
प्रकाशित मिति: १७ भाद्र २०८२, मंगलबार
प्रतिक्रिया