काठमाडौं । नेकपा (माओवादी केन्द्र)को पदाधिकारी बैठक भोलि (बिहीबार) बस्ने भएको छ । बैठक पार्टी केन्द्रीय कार्यालय पेरिसडाँडामा हुनेछ ।
पार्टी प्रवक्ता अग्निप्रसाद सापकोटाका अनुसार, यसअघि सम्पन्न स्थायी कमिटी बैठकका निर्णयहरूबारे बैठकले समीक्षा गर्नेछ । त्यस्तै, भदौ २१ देखि सुरु हुने भनिएको मध्यपहाडी लोकमार्ग जागरण अभियानको तयारीसमेत बैठकको एजेन्डामा पर्नेछ ।
बैठकमा समसामयिक राजनीतिक विषयसँगै उपमहासचिव जनार्दन शर्माले उठाएको नेतृत्व परिवर्तन र कार्यशैलीसम्बन्धी बहस पनि हुने बताइएको छ । माओवादी नेतृत्वले यी विषय पदाधिकारी तहमै समाधान गर्ने तयारी गरेको बुझिएको छ ।
यसअघि स्थायी कमिटी बैठकले नेत्रविक्रम चन्द ‘विप्लव’ नेतृत्वको नेकपासँग पार्टी एकता गर्ने निर्णय गरिसकेको छ ।
प्रकाशित मिति: १८ भाद्र २०८२, बुधबार
प्रतिक्रिया