काठमाडाैं । संसद् भवनभित्र जेन–जी युवाहरूको प्रवेश भएपछि गृहमन्त्री रमेश लेखक सोमबारको संसदीय समितिको बैठक अधुरै छाडेर बाहिरिएका छन् । राज्य व्यवस्था तथा सुशासन समितिको बैठकमा सहभागी हुन सिंहदरबार पुगेका मन्त्री लेखक आकस्मिक रूपमा बैठक स्थल छाड्दै बाहिरिएका हुन् ।
समितिको नियमित बैठकमा मन्त्रालयसम्बन्धी विषयमा छलफल भइरहेको समयमा संसद् भवन परिसरमा जेन–जी पुस्ताका युवाहरू अप्रत्याशित रूपमा प्रवेश गरेको बताइन्छ ।
बैठक कक्षभित्र सूचना पुगेलगत्तै गृहमन्त्री लेखक तत्कालै बाहिर निस्किएका थिए । समितिका अन्य सदस्यहरूले भने बैठकलाई छोटकरीमा समेट्दै अगाडि बढाएका छन् ।
प्रकाशित मिति: २३ भाद्र २०८२, सोमबार
प्रतिक्रिया