काठमाडौं । राजधानीमा जेनजी पुस्ताले गरेको प्रदर्शन हिंसात्मक बन्दै जाँदा एकजनाको ज्यान गएको छ भने करिब ७० जना घाइते भएका छन्।
नयाँबानेश्वरस्थित संसद् भवन अगाडि प्रहरी र प्रदर्शनकारीबीच भएको झडपमा घाइते भएका एक युवाको उपचारका क्रममा सिभिल अस्पतालमा मृत्यु भएको अस्पतालका प्रा. डा. मोहनचन्द्र रेग्मीले पुष्टि गरेका छन्।
प्रहरीका एक उच्च अधिकारीका अनुसार झडपमा सुरक्षाकर्मी र प्रदर्शनकारी गरी करिब ७० जना घाइते भएका छन्। उनीहरूलाई मीनभवनस्थित सिभिल अस्पतालसहित विभिन्न अस्पतालमा उपचारका लागि भर्ना गरिएको छ।
प्रकाशित मिति: २३ भाद्र २०८२, सोमबार
प्रतिक्रिया