काठमाडौं । संयुक्त राष्ट्रसंघले नेपालमा नागरिकले आफ्नो प्रजातान्त्रिक अधिकार सुरक्षित र शान्तिपूर्ण ढंगले प्रयोग गर्न सक्ने वातावरण सुनिश्चित गर्न सरकारलाई आग्रह गरेको छ।
संयुक्त राष्ट्रसंघकी नेपाल आवासीय संयोजक हना सिंगर–ह्याम्डीले सामाजिक सञ्जाल एक्समार्फत सबै पक्षलाई संयमता र सावधानी अपनाउन अनुरोध गर्दै, नागरिकलाई अधिकार अभ्यास गर्न सहज वातावरण दिनुपर्नेमा जोड दिएकी छन्।
‘नागरिकहरूले सुरक्षित र शान्तिपूर्ण रूपमा प्रजातान्त्रिक अधिकार प्रयोग गर्न सक्ने अवस्था सुनिश्चित गर्नुपर्छ। त्यसका लागि सबै पक्षले अधिकतम संयम र जिम्मेवारीपूर्वक व्यवहार गर्न आवश्यक छ,’ उनले लेखेकी छन्।
जेनजी आन्दोलनका क्रममा प्रदर्शनकारीको मृत्यु र ठूलो संख्यामा घाइते भएको घटनाप्रति आफू गहिरो दुःखित भएको उल्लेख गर्दै उनले पीडित परिवारप्रति सहानुभूति प्रकट गरेकी छन्।
प्रकाशित मिति: २३ भाद्र २०८२, सोमबार
प्रतिक्रिया