काठमाडौं । जेन–जी आन्दोलनकारीहरूले त्रिभुवन अन्तर्राष्ट्रिय विमानस्थलमा प्रवेश गर्ने प्रयास गरेका छन्।
सुरक्षा स्रोतका अनुसार आन्दोलनकारीहरूको एक समूह विमानस्थलको ‘गोल्डेन गेट’ हुँदै भित्र छिर्न खोजेको हो। उनीहरूलाई रोक्न सुरक्षा निकाय परिचालित भए पनि भिड नियन्त्रणमा लिन कठिनाइ भएको बताइएको छ।
आन्दोलनकारीहरूले सेनाको कडाइ गरिएको घेराबन्दी तोड्दै विमानस्थल परिसरतर्फ धकेलिन खोजेका थिए। तर, विमानस्थल बिहानैदेखि नै बन्द गरिएकाले आवागमन पूर्णरूपमा अवरुद्ध छ।
प्रकाशित मिति: २४ भाद्र २०८२, मंगलबार
प्रतिक्रिया