जनकपुरधाम । जनकपुरका पूर्वराज्यमन्त्री संजयकुमार साह ललितपुरस्थित नख्खु जेलबाट बाहिरिएका छन् ।
जेनजीको आन्दोलन चर्किएपछि रास्वपा सभापति रवि लामिछानेसहित कैदीहरू मुक्त भएका क्रममै उनी पनि जेलबाट बाहिरिएका हुन्।
साहले १२ वर्षसम्म जन्मकैदको सजाय भोगिरहेका थिए। जनकपुरबाट उनले पहिले मधेशी जनअधिकार फोरममार्फत समानुपातिक सभासद् बनेका थिए भने पछि सद्भावना पार्टीबाट संविधानसभामा दुई पटक निर्वाचित भएका थिए।
उनीमाथि २०६९ साल वैशाख १८ गते जनकपुरको रामानन्द चौकमा भएको बम विस्फोटमा ५ जनाको ज्यान जाने घटनाको मुख्य अभियुक्त रहेको आरोप छ। साथै, जनकपुरकै रेडियो टुडेका सञ्चार उद्यमी अरुण सिंहानियाको हत्या प्रकरणमा पनि योजनाकार रहेको अभियोग लागेको छ।
जेलबाट निस्केपछि साहले आफू निर्दोष रहेको दाबी गरेका छन्। सामाजिक सञ्जालमार्फत उनले जेनजीको आन्दोलनको समर्थन गर्दै आफ्नो धारणा सार्वजनिक गरेका छन्।
उनका अनुसार, राजनीतिक दलहरूको दबाबमा न्यायाधीशहरूले निर्दोषलाई दोषी र दोषीलाई निर्दोष साबित गर्ने प्रवृत्तिका कारण आफू पनि अन्यायको सिकार बनेका हुन्।
प्रकाशित मिति: २४ भाद्र २०८२, मंगलबार
प्रतिक्रिया