रौतहट । जनता समाजवादी पार्टी (जसपा) का मधेश प्रदेश अध्यक्ष अशोक यादवलाई प्रहरीले पक्राउ गरेको छ।
जिल्ला प्रहरी कार्यालय सर्लाहीको टोलीले आज दिउँसो मलंगवास्थित शिवसागर चोकबाट यादवलाई नियन्त्रणमा लिएको हो।
प्रहरीका अनुसार यादवमाथि प्रहरी उपरीक्षक (एसपी) लाई गाली गरेको, आपराधिक उपद्रवमा संलग्न भएको र राज्यविरुद्धको अपराधमा भाग लिएको आरोप छ। केही दिनअघि सामाजिक सञ्जालमा उनका प्रहरीसँग भएको गालिगलौजको अडियो भाइरल भएको थियो।
असारको अन्तिम साता पूर्वाधार विकास कार्यालय मलंगवमा भुक्तानीसम्बन्धी विवादपछि यादव फरार भएका थिए। आज पक्राउ परेपछि उनलाई थप अनुसन्धानका लागि जिम्मेवार निकायले अनुसन्धान अघि बढाउने प्रहरीले जनाएको छ।
प्रकाशित मिति: २५ भाद्र २०८२, बुधबार
प्रतिक्रिया