ललितपुर । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’की छोरी गंगा दाहालको घरमा शव फेला परेको छ।
मंगलबार भएको प्रदर्शनको क्रममा गंगा दाहालको घरमा आगजनी भएको थियो। आगो निभाउने क्रममा एक व्यक्तिको जलिसकेको शव भेटिएको हो।
जिल्ला प्रहरी परिसर ललितपुरका एसएसपी श्यामकृष्ण अधिकारीका अनुसार मृतक पुरुष हुन् र हालसम्म उनको पहिचान हुन सकेको छैन। उनले भने, “शव पुरुषको हो। घरका सदस्य जस्तो लाग्दैन। अहिले मुचुल्का तयार पार्न टोली पठाइएको छ।”
प्रहरीले घटनाको विस्तृत अनुसन्धान सुरु गरेको छ।
प्रकाशित मिति: २५ भाद्र २०८२, बुधबार
प्रतिक्रिया