काठमाडौं । ललितपुरको ढोलाहिटी क्षेत्रमा नेकपा (माओवादी केन्द्र) अध्यक्ष पुष्पकमल दाहाल ‘प्रचण्ड’की छोरी गङ्गा दाहालको घरमा आगजनीपछि एक पुरुषको जलेको शव फेला परेको छ।
जिल्ला प्रहरी परिसर ललितपुरका एसएसपी श्यामकृष्ण अधिकारीका अनुसार शवको पहिचान अहिलेसम्म हुन सकेको छैन। घटनास्थलमा प्रदर्शनकारीहरूले मंगलबार आगजनी गरेको जानकारी प्रहरी स्रोतले दिएका छन्।
एसएसपी अधिकारीले शव पोस्टमार्टमका लागि पाटन अस्पताल पठाइने जानकारी दिएका छन्। घटनाको थप विवरणका लागि अनुसन्धान जारी छ।
प्रकाशित मिति: २५ भाद्र २०८२, बुधबार
प्रतिक्रिया