काठमाडौं । संसदीय सुनुवाइ समितिका सभापति रामहरि खतिवडाले मुलुकमा नयाँ सरकार गठन संविधानको दायराभित्रै रहेर गर्नुपर्नेमा जोड दिएका छन्। उनले राजनीतिक संकटका बीच संविधान र राष्ट्रलाई जोगाउनु सबैभन्दा ठूलो प्राथमिकता भएको बताएका छन्।
सामाजिक सञ्जालमार्फत विचार व्यक्त गर्दै उनले भने, ‘संसद् भवन, सिंहदरबार, सर्वोच्च अदालत, राष्ट्रपति कार्यालय र निवास, प्रधानमन्त्री कार्यालय र निवासलगायतका संरचना जले। तर अब बाँकी रहेको संविधान नजलोस्, नेपाल नजलोस्। संविधानकै आधारमा नयाँ सरकार गठन होस्।’
भदौ २३ र २४ गतेका हिंसात्मक घटनाप्रति दुःख व्यक्त गर्दै खतिवडाले घटनाको सत्यतथ्य छानबिन गर्न र दोषीलाई कारबाहीको दायरामा ल्याउन राज्य जिम्मेवार बन्नुपर्ने पनि स्पष्ट पारे।
प्रकाशित मिति: २६ भाद्र २०८२, बिहिबार
प्रतिक्रिया