काठमाडौँ । अन्तरिम सरकारको नेतृत्वका लागि पूर्वप्रधानन्यायाधीश सुशिला कार्कीलाई प्रधानमन्त्री नियुक्त गरिएको घोषणापछि नेकपा एमालेका पोलिटब्युरो सदस्य सूर्य थापाले यस कदमलाई असंवैधानिक र निषेधित भनेका छन् ।
संसद विघटनसहित ६ महिनाभित्र नयाँ निर्वाचन गराउने योजनामा कार्कीलाई प्रधानमन्त्री नियुक्त गर्ने निर्णय सार्वजनिक भएसँगै थापाले संविधानको धारा १३२ (१) र (२) अध्ययन गर्न आग्रह गर्दै सर्वोच्च अदालतबाट यो कदम बदर हुने विश्वास व्यक्त गरे ।
उनका अनुसार, “संविधानले स्पष्ट तोकेको प्रक्रिया विपरीत संसद र जनताले नचिनेको व्यक्तिलाई एकाएक प्रधानमन्त्री बनाइयो । बिहान सामान्य नागरिक, राति कृपामा प्रधानमन्त्री — तर यो पद सरकारको मूल नेतृत्व हो, मजाक होइन,” भन्दै उनले तत्कालीन निर्णयलाई असंवैधानिक र खारेजीयोग्य ठहर गरे ।
प्रकाशित मिति: २७ भाद्र २०८२, शुक्रबार
प्रतिक्रिया