ललितपुर । नेपालकी पहिलो महिला प्रधानमन्त्रीका रूपमा सुशीला कार्की नियुक्त भएकामा जनता समाजवादी पार्टी (जसपा) नेपालका अध्यक्ष उपेन्द्र यादवले हार्दिक बधाई ज्ञापन गर्दै सफल कार्यकालको शुभकामना दिएका छन्।
शनिबार सार्वजनिक शुभकामना सन्देशमार्फत यादवले प्रधानमन्त्री कार्कीको नेतृत्वमा संघीयता, लोकतन्त्र र गणतन्त्रका उपलब्धिहरू सुरक्षित हुने र विधिको शासन संस्थागत हुनेमा विश्वास व्यक्त गरे।
यस्तै, उनले आर्थिक, सामाजिक र राजनीतिक रूपमा पछाडि पारिएका तथा सीमान्तकृत समुदायले अब न्याय र समान अवसर पाउने अपेक्षा व्यक्त गर्दै कार्कीको नेतृत्व मुलुकका लागि ऐतिहासिक मोड बन्ने धारणा राखेका छन्।
प्रकाशित मिति: २८ भाद्र २०८२, शनिबार
प्रतिक्रिया