अन्तरीम सरकारकी नवनियुक्त प्रधानमन्त्री सुशिला कार्कीलाई भारतीय प्रधानमन्त्री नरेन्द्र मोदीले बधाइ तथा सफल कार्यकालयको शुभकामना दिएका छन् ।
मोदीले मणिपुरमा आयोजित एक कार्यक्रमलाई सम्बोधन गर्दै नवनियुक्त प्रधानमन्त्री कार्कीको प्रशंसा गर्दै सफल कार्यकालका लागि शुभकामना व्यक्त गरेका हुन् । भारतीय नागरिकको तर्फबाट शुभकामना व्यक्त गर्दै भारतीय प्रधानमन्त्री मोदीले नेपाल भारतको नजिकको मित्र राष्ट्र भएको उल्लेख गरे ।
नवनियुक्त प्रधानमन्त्री कार्कीले नेपालमा शान्ती, स्थीरता र समृद्धिका लागि मार्ग प्रशस्त गर्नेमा विश्वस्त रहेको बताउँदै मोदीले कार्की प्रधानमन्त्री हुनु महिला शशक्तिकरणको उदाहरण भएको बताएका छन् ।
प्रकाशित मिति: २९ भाद्र २०८२, आइतबार
प्रतिक्रिया