काठमाडौं । प्रतिनिधिसभा विघटनपछि फागुनमा निर्वाचनको घोषणा गरेपछि असन्तुष्ट बनेका सभामुख देवराज घिमिरे नवनियुक्त मन्त्रीहरूको शपथ समारोहमा अनुपस्थित भएका छन्।
सभामुख घिमिरे प्रधानमन्त्री सुशीला कार्कीको शपथ समारोहमा पनि उपस्थित भएका थिएनन्। शीतल निवासले उनलाई अनुपस्थित रहने जानकारी पाएपछि उनका लागि कुर्सीको व्यवस्था नै गरिएको थिएन।
त्यस्तै, शपथ समारोहमा राष्ट्रियसभा अध्यक्ष नारायणप्रसाद दाहाल उपस्थित रहे भने, प्रधानमन्त्री कार्कीको शपथमा उनी देखिएका थिएनन्।
मन्त्रीहरूको शपथ समारोहमा पूर्वप्रधानमन्त्री बाबुराम भट्टराई बाहेक अन्य पूर्वप्रधानमन्त्री र विभिन्न राजनीतिक दलका शीर्ष नेताहरू उपस्थित हुन सकेका छैनन्।
प्रकाशित मिति: ३० भाद्र २०८२, सोमबार
प्रतिक्रिया