काठमाडौं । गृहमन्त्री ओमप्रकाश अर्यालले ट्राफिक प्रहरीलाई उच्च मनोबलका साथ जिम्मेवारी पूरा गर्न निर्देशन दिएका छन्। मंगलबार उनले काठमाडौं उपत्यका ट्राफिक प्रहरी कार्यालयको निरीक्षण गर्दै यस्तो आह्वान गरेका हुन्।
निरीक्षणका क्रममा गृहमन्त्रीलाई काठमाडौं उपत्यका प्रहरी कार्यालयका प्रमुख एआईजी दानबहादुर कार्की र ट्राफिक प्रहरी कार्यालयका प्रमुख एसएसपी नवराज अधिकारीसहितका अधिकारीहरूले पछिल्लो अवस्था र आवश्यकताबारे जानकारी गराएका थिए।
सो अवसरमा गृहमन्त्री अर्यालले ट्राफिक प्रहरीका लागि आवश्यक पूर्वाधार निर्माणमा सरकारले पूर्ण सहयोग गर्ने प्रतिबद्धता जनाए।
भदौ २३ र २४ गते जेनजी पुस्ताले सञ्चालन गरेको आन्दोलनका क्रममा काठमाडौं उपत्यका ट्राफिक प्रहरी कार्यालयसहित ट्राफिक पोसाक र उपकरण जलेर नष्ट भएका थिए।
प्रकाशित मिति: ३१ भाद्र २०८२, मंगलबार
प्रतिक्रिया