काठमाडौं । राष्ट्रिय प्रजातन्त्र पार्टीका अध्यक्ष कमल थापाले नेपालमा देखिएको हालको संकटको मुख्य कारण संघीय धर्मनिरपेक्ष गणतन्त्र भएको दाबी गरेका छन्।
सामाजिक सञ्जालमार्फत विचार सार्वजनिक गर्दै उनले कांग्रेस र कम्युनिस्ट दलको अकर्मण्यता, सत्तालिप्सा र भ्रष्टाचार प्रवृत्तिले मुलुकलाई संकटतर्फ धकेलेको आरोप लगाए।
‘जेन्जी आन्दोलन’ले नवनिर्माणको ढोका खोलेको अवस्थामा पुनः असफल विचार र संरचना बोकेका कांग्रेस–कम्युनिस्ट प्रवृत्तिका व्यक्तिहरू हावी भए नयाँ पुस्ताको बलिदान निरर्थक हुने चेतावनी उनले दिएका छन्।
थापाले विशेषगरी युवालाई सचेत रहन र आफ्नो त्याग व्यर्थ हुन नदिन आह्वान गरेका छन्।
प्रकाशित मिति: २ आश्विन २०८२, बिहिबार
प्रतिक्रिया