काठमाडौं । जेन–जी आन्दोलनका क्रममा सरकारको गोली प्रहारबाट घाइते भएका आन्दोलनकारीलाई माओवादी केन्द्रका वरिष्ठ उपाध्यक्ष नारायणकाजी श्रेष्ठले शनिबार त्रिभुवन विश्वविद्यालय शिक्षण अस्पताल पुगेर भेट गरेका छन्।
श्रेष्ठले अस्पतालमा उपचाररत युवाहरूको स्वास्थ्य अवस्था बुझ्दै शीघ्र स्वास्थ्यलाभको कामना गरे। उनका अनुसार हालसम्म ४१ जना घाइते उपचारपछि घर फर्किसकेका छन् भने ५ जना विभिन्न वार्डमा उपचाररत छन्।
उनले चिकित्सक, नर्स तथा सम्पूर्ण स्वास्थ्यकर्मीले निष्ठापूर्वक सेवा प्रदान गरेको भन्दै घाइतेहरूको स्वास्थ्यमा सुधार भइरहेको जानकारी दिए। साथै, आन्दोलनकारीहरूको ‘सौर्यमय संघर्ष खेर नजाने’ प्रतिबद्धता पनि व्यक्त गरे।
प्रकाशित मिति: १८ आश्विन २०८२, शनिबार
प्रतिक्रिया