काठमाडौं । नेपाली कांग्रेसका नेता विमलेन्द्र निधिले संसद् पुनर्स्थापनाको पक्षमा आफू नरहेको स्पष्ट पारेका छन्।
पार्टीभित्र केही नेताहरूले संसद् पुनर्स्थापनालाई प्रमुख एजेन्डा बनाउनुपर्ने आवाज उठाइरहेका बेला निधि भने चुनावी तयारीमा ध्यान दिनुपर्नेमा जोड दिएका छन्। निधिले भने, ‘म संसद् पुनर्स्थापनाको पक्षमा छैन। अहिले पार्टीले चुनावको तयारीमा ध्यान दिनु अत्यावश्यक छ।’
उनले आगामी निर्वाचनमा पार्टीलाई सक्षम बनाएर अघि बढाउन नियमित वा विशेष महाधिवेशनमा समय खर्च गर्नु उचित नहुने बताएका छन्। निधिले थपे, ‘पार्टीले गर्नुपर्ने कामहरू धेरै छन्। महाधिवेशनमा फँस्दा चुनावको तयारीमा समय खेर जान्छ। कार्यवाहक सभापति तोकेर पार्टीका कमजोरी सुधार्दै चुनावतर्फ अघि बढ्नुपर्छ।’
यसबीच, नेता कृष्णप्रसाद सिटौलाले भने संसद् पुनर्स्थापनाको पक्षमा आफ्नो धारणा राख्दै आएका छन्।
प्रकाशित मिति: २२ आश्विन २०८२, बुधबार
प्रतिक्रिया